Veere Di Wedding (2018)

Veere Di Wedding (2018)
———————————
မိန်းကလေးတိုင်းမှာ ကိုယ့်အိမ်ထောင်ဖက်၊ ချစ်သူနဲ့ ပတ်သက်ပြီး ငယ်ရွယ်စဉ်အခါကထဲက အိမ်မက်ကိုယ်စီရှိတတ်ကြပါတယ်…. တစ်ချို့က ငယ်ငယ်ကထဲက စကြိုက်မိတဲ့သူနဲ့ပဲ အိမ်ထောင်ပြုမယ်…တစ်ချို့ကျ ချမ်းသာတဲ့သူ…တစ်ချို့ကျတော့လည်း တွဲသမျှရည်းစားတိုင်းနဲ့ အဆင်မ​ပြေတာကြောင့် အိမ်က ပေးစားမယ့်သူပဲ စောင့်နေတော့မယ်ဆိုပြီးတော့​ပေါ့

၂၀၁၈ က ထွက်ရှိထားတဲ့ Veere Di Wedding မှာ ငယ်ပေါင်း မိန်းကလေး သူငယ်ချင်း ၄ ယောက်ရဲ့ ကိုယ်စီ အိမ်ထောင်ပြုရေး၊ အိမ်ထောင်ရေး သုခ ဒုက္ခတွေကို ပေါ့ပေါ့ပါးပါးလေးနဲ့ မြင်ရတယ်။ တစ်ယောက်က နိုင်ငံခြားသားနဲ့ လင်ယူသားမွေးထား၊ တစ်ယောက်က ငယ်ချစ်နဲ့ ရပေမယ့် အိမ်ထောင်ရေး ဒုက္ခရောက်နေရပြီး ရည်စားတွေနဲ့ ပြတ်ထားတဲ့ တစ်ယောက်ရှိသလို… ၃ နှစ်ကြာတွဲလာပြီးမှ လက်ထပ်ဖို့ အရေးတွန့်ဆုတ်နေရ…ခေါင်းရှုပ်နေရတဲ့ မင်းသမီးချော Kareena Kapoor လည်းရှိနေပြန်ပါတယ်…

ရုပ်ရှင်ထဲမှာ သူငယ်ချင်း​တွေရဲ့ ချင်ခင်ရင်းနှီးမှု၊ မင်္ဂလာဆောင်ခါနီး မိဘတွေရဲ့ ဓလေ့ရိုးရာနဲ့ အညီ ကြီးကြီးခမ်းခမ်းနားနားလုပ်နေမှု၊ ဂုဏ်ဒြပ်တွေကြောင့်မင်္ဂလာဆောင်ရပုံတွေ၊ ကိုယ်တကယ်ချစ်ပေမယ့်လည်း လက်ထပ်ဖို့ တွန့်ဆုတ်နေမှုတွေ၊ မိဘတွေရဲ့ ကြားဝင်ရှုပ်မှု အစရှိတာတွေကို ကြည့်ရှုရမှာဖြစ်ပါတယ်….

နာမည်ကြီးမင်းသမီး Kareena Kapoor၊ Sonam Kapoor တို့ ပါဝင်တဲ့ ဒီကားလေးဟာ ငယ်ရွယ်တဲ့ အမျိုးသမီးလေးတွေအနေနဲ့ ဒီလိုအချိန်မှာ ပေါ့​ပေါ့ပါးပါး ကြည့်ရှုသင့်တဲ့ ကားကောင်းလေးတစ်ကားဖြစ်ပြီး အိမ်ထောင်ဘက် ရွေးချယ်တာ၊ လက်ထပ်ဖို့ ပြင်ဆင်တာ၊ ရိုးရာဓလေ့ အစရှိတာတွေကိုလည်း စဉ်းစားစရာအချက်တစ်ခု အဖြစ် ကြည့်ရှုသွားရမှာဖြစ်တယ်လို့ ညွှန်းပါရစေ…

(ရုပ်ရှင်အညွှန်းနဲ့ဘာသာပြန်ကို Mugiwara Ya မှ တင်ဆက်ထားတာပါ။)

File size…(1.9 GB) / (1 GB)
Quality….WEB-DL 1080p / 720p
Format…mkv/mp4
Duration….01:58:00
Subtitle….Myanmar Subtitle (Hardsub)
Encoder….Nyeinsaeya Aung
Translated by Mugiwara Ya